Një nga aftësitë më të rëndësishme për parandalimin e sjelljes së pahijshme të qenit tuaj është të dish se si t’a ridrejtosh atë para se të veprojë. Ridrejtim thjesht do të thotë të marrësh vëmendjen e tij larg nga çdo gjë që ai është përqëndruar dhe duke e çuar atë tek ju.
Mos e ngatërroni ridrejtimin me bllokimin. Te paren e përdorim kur niveli i energjisë së qenit tuaj është më i ulët dhe nuk përfshin prekjen. Kjo e fundit është e nevojshme kur niveli i energjisë së një qeni është mbi 5 nga 10 dhe kërkon kontakt me prekje.
Përdorimi i tingujve për ridrejtim mund të jetë me një ‘’tsch!’’ ose ‘’ej!’’, ndërkohë që me prekje anash qafës ose belit me tre gishtat e dorës në formë kthetre ështe bllokimi, ajo që nga qentë perceptohet si ‘’kafshim’’.
- Krijo eksperiencën pozitive
Në mënyrë që ridrejtimi të funksionojë për qenin tuaj, duhet marrë vëmendja e qenit dhe mënyra më e mirë për ta bërë këtë është shoqërimi i ridrejtimit me një shpërblim nëpërmjet përforcimit pozitiv. Qëllimi është që qeni juaj të kthehet gjithmonë tek ju kur dëgjon tinguj sepse, për ta, kjo do të thotë se ata do të marrin diçka të mirë. Për të ndërtuar eksperiencën, do t’ju duhet një shpërblim, i cili varet nga ajo çfarë e motivon më shumë qenin. Për disa qen, funksionojnë treats-at / shpërblimet. Për qen të tjerë, mund të jetë një lodër e preferuar ose vetëm zëra-tinguj lavdërues. Sapo të keni shpërblimin, filloni të krijoni tingullin dhe të filloni të shpërbleni kur qeni juaj të kthejë vëmendjen tek ju. Gradualisht përshkallëzoni këtë derisa tingulli e merr vëmendjen e qenit tuaj për ta përqëndruar te ju dhe ulet, duke përdorur seanca të shkurtra të përsëritura çdo ditë. Gjithashtu praktikoni përdorimin e zërit për të thirrur qenin tuaj nga një dhomë tjetër, dhe shpërblejeni atë kur ai e bën këtë.
- Përforconi stimulin pa shpërblim
Sapo qeni juaj të përgjigjet në mënyrën e duhur të tingullit kurdo që ta bëni, është koha të filloni përzierjen e saj duke mos dhënë gjithmonë një shpërblim tjetër përveç lëvdimit me gojë. Qëllimi këtu është që të merrni vëmendjen e qenin tuaj për t’iu përgjigjur zërit çdo herë nëse ai merr një treats apo jo. Ju jeni duke i mësuar atij se gjithmonë ka një shans për një shpërblim, kështu që gjithmonë është mirë të të shikojë kur dëgjon tinguj. Në këtë fazë të stërvitjes, jepni shpërblimin rastësisht derisa përgjigjet e qenit tuaj ndaj zërit tuaj duken se bëhen automatike dhe me kohën kjo përgjigje do t’i kthehet në refleks, shpërblehet ose nuk shpërblehet.
Një diçka që duhet të vihet re, ndërkohë që qeni juaj është duke filluar të kryejë sjelljen e dëshiruar pa stimul, në të cilin në këtë rast ai është duke u përpjekur për të përdorur sjelljen e tij për t’iu trajnuar ju. Nëse e keni trajnuar ndonjëherë një qen për të “dhënë dorën”, dhe atëherë ai ka filluar të japë dorën sa herë kërkon diçka, ose sa herë heq dorën prej tij, pa ja kërkuar në atë moment, atëherë e keni parasysh si rast. Nëse qeni juaj fillon duke parashikuar të gjitha lëvizjet që duhet të bëjë sepse i ka programuar ato tashmë zinxhir njëra pas tjetrës, atëherë ju duhet të tregoni shpërblimin, por bëje qenin të mos bëjë sjelljen e dëshiruar prej tij, deri në momentin që ti vendos t’ja kërkosh atë. Kjo do të përforcojë idenë që ai është nën kontrollin tuaj dhe jo ti ndaj atij.
- Mësoni se kur ta përdorni
Pjesa më e rëndësishme e ridrejtimit të një qeni është të dish se kur ta bësh dhe të mos ta bësh atë. Ju dëshironi ta përdorni atë për të parandaluar sjelljen e padëshiruar të qenit, dhe duke e shmangur përdorimin e tij thjesht për të marrë vëmendjen e qenit tuaj ose kur një qen mund të jetë gati të përfshihet në sjellje të pranueshme. Për shembull, duhet ta ridrejtoni qenin tuaj nëse ai është gati të kërcejë tek dikush, kur nuk do që ai të lehi, t’i afrohet një qeni tjetër shumë shpejt, e kështu me radhë.
Koha ideale për të përdorur ridrejtimin është momenti kur mendja e qenit tuaj është duke u bërë njësh me sjelljen e padëshiruar. Nëse e mendoni atë si momenti kur qeni juaj ngjitet në një mal, jepni drejtimin e tij të menjëhershëm teksa qeni po arrin kulmin, jo para dhe jo pasi ai ka nisur në anën tjetër.
- Praktikë, praktikë, praktikë
Vazhdoni duke e perfeksionuar momentin e duhur të kohës së ridrejtimit dhe mësoni se si qeni juaj tregon interes te ju kur ai është gati për t’u përfshirë në sjellje të padëshiruara. Jini të qëndrueshëm dhe konfident. Mbi të gjitha, mos harroni se ridrejtimi nuk është shpërblimi i qenit në momente frustrimi, pasi ju jo vetëm që nuk po e ridrejtoni apo korrigjoni qenin për atë që ai mund të jetë gati të bëjë gabim, por jeni duke e shpërblyer atë dhe duke e nxitur të veprojë më keq duke e mbështetur.
Klikoni ketu per me shume artikuj te tjere.